ގެވެށި އަނިޔާއަށް ހޭލުންތެރިކުރުން

އ.ތ.މ އާއި ގުޅިގެން ޕްރޮގްރާމް ހިންގުން

ރަށްވެހި ތަރައްޤީ ޕްރޮގްރާމް

އޮޓޯ ޕޮޓް ފާމް ޤާއިމްކުރުން

ދަނޑުވެރިކަމުގެ ތަމްރީނު

ކުށްމަދުކުރުމަށް ހޭލުންތެރިކުރުން

ދީނީ ދަރުސް

ފުޓްސަލް ކޯޗިންގް ކޯސް

ސިއްހީ ޚިދުމަތްތެރިންނަށް ހިންގޭ ތަމްރީން

ޑައިވިންގެ ކޯސް

މޫސުމީ ބަދަލުތަކަށް ވިލުންވެރި މުޖްތަމަޢުތައް ބިނާކުރުމަށް ހޭލުންތެރިކުރުން

ވޭސްޓްމެނޭޖްމަންޓް ޕްލޭން ލޯންޗުކުރުމާއި ހޭލުންތެރިކުރުން

ކުނި މެނޭޖުކުރުމަށް އެހީތެރިކަން ފޯރުކޮށްދިނުން

ޕޯސްޓަރ ކުރެހުމުގެ މުބާރާތް

ނަލަވެށި ށަވިޔަނި ޕްރޮގްރާމް ހިންގުން

ސްޓެޓިސްޓިކްސް ޕޯޓްލްއެއް ތަރައްޤީކުރުން

ރަށު ކައުންސިލްތަކުގެ މޮނިޓަރިން

ހޯޕް ފޯ ވިމެންއާއި ގުޅިގެން ހިންގޭ ހޭލުންތެރިކުރުމުގެ ޕްރޮގްރާމް

އަތޮޅު ފުޓްސަލް މުބާރާތް 2025

އަތޮޅު ފެންވަރުގައި ޤައުމީ ދުވަސް ފާހަގަކުރުން 2025

އަތޮޅު ވާހަކަ ދެއްކުމުގެ މުބާރާތް 2025

ޤައުމީ ޤުރުއާން މުބާރާތް 2025ގައި އަތޮޅު ތަމްސީލުކުރުން

އަތޮޅު ޤުރުއާން މުބާރާތް 2025

ސްކޫލުތަކުގެ އަހަރީ އިނާމު ދިނުމުގެ ޖަލްސާއަށް އިނާމު ހުށައެޅުން

ސަގާފީ ކަންކަން ދިރުވާ އާލާކުރުން

ޖަމިއްޔާ ގްރާންޓް ޕްރޮގްރާމް

ޕާސްޕޯޓްގެ ޚިދުމަތް ފެށުން

އައި.ޑީ ކާޑު ޕްރިންޓްކުރުމުގެ ޚިދުމަތް ފެށުން

އ.ތ.މ ކޮމެޓީތައް މިންކުރުމާއި އެވޯޑްދިނުން

އައި.އާރު.އައި އާއި ގުޅިގެން ހިންގޭ ކޮލޭބްރޭޓިވް ޑިވެލޮޕްމަންޓް ޕްރޮގްރާމް

ރަށު ކައުންސިލްތަކަށް ފަންނީ އެހީތެރިކަން ފޯރުކޮށްދިނުމާއި ލަފާދިނުން

ރަށު ކައުންސިލްތަކުގެ މުވައްޒަފުން ޕާރފޯމަންސް އިންޑެކްސްއަށް އަހުލުވެރިކުރުމުގެ ޕްރޮގްރާމް

ރަށު ކައުންސިލްތަކުގެ މުވައްޒަފުން މަސައްކަތްތަކަށާއި ޤަވާއިދުތަކަށް އަހުލުވެރިކުރުމުގެ ޕްރޮގްރާމް

އިންޓަރނަލް އޮޑިޓް ތަމްރީނު ޕްރޮގްރާމް

ޕްރޮގްރާމް ރޭވުމާއި އިދާރީ މަސައްކަތްތައް ކުރިއަށްދަނީ

1.3 ފަޅުރަށްތައް ހޯދައި އަތޮޅު ރައްޔިތުންގެ މަންފާއަށް ބޭނުންކުރުން

      ދިވެހިރާއްޖޭގެ މިނިވަންކަމަށް 60 އަހަރު ފުރޭ މި ފަޚުރުވެރި މުނާސަބަތު ފާހަގަކުރުމުގެ ގޮތުން މިއަދު ހެނދުނު 6:00ގައި ދިދަ ނެގުމުގެ ރަސްމިއްޔާތެއް ށ.އަތޮޅުކައުންސިލް އިދާރާގެ ގޯތިތެރޭގައި ބާއްވައިފިއެވެ.  

       ފުނަދޫގެ މުއައްސަސާތަކުގެ ވެރިންނާއި، މުވައްޒަފުންނާއި، ފުނަދޫ ސްކޫލުގެ ސްޓޫޑެންޓް ލީޑަރުންނާއި، ކެޑޭޓް ދަރިވަރުން ބައިވެރިވި މި ރަސްމިއްޔާތުގައި ދިދަ ނަންގަވައިދެއްވީ ށ.އަތޮޅުކައުންސިލް އިދާރާގެ ސެކްރެޓަރީ ޖެނެރަލް އަލްފާޟިލް މުޙައްމަދު ޙަސަނެވެ. ކީރިތި ޤުރުއާންގެ ބަރަކާތުން މި ރަސްމިއްޔާތު ފަށްޓަވައިދެއްވީ ފުނަދޫ ސްކޫލުގެ ދަރިވަރު ޒަހާ މުޙައްމަދު މުބީނެވެ. ދުވަހާ ގުޅޭގޮތުން ވާހަކަދެއްކެވީ ފުނަދޫ ސްކޫލުގެ ދަރިވަރު ޢާއިޝަތު ނައުމާއެވެ. މި ރަސްމިއްޔާތު ތަޢާރަފް ކުރުމުގެ ގޮތުން ށ.އަތޮޅުކައުންސިލުގެ އެސޯސިއޭޓް ކައުންސިލް އޮފިސަރ ފާޠިމަތު ރިޝްފާ ވާހަކަދެއްކަވާފައިވާއިރު، ޤައުމީ ސަލާމް ކިއުމުގައި އެންމެހާ ޙާޟިރީން ބައިވެރިވެލައްވާފައިވެއެވެ.  

މިނިވަންދުވަހުގެ ދިދަނެގުމުގެ ރަސްމިއްޔާތު ބާއްވައިފި

ފެނުމުގަ ނުކުޅަދުންތެރިކަން ހުންނަ ކުދިންގެ ޖަމްޢިއްޔާއިން، ށ. އަތޮޅުގެ ހަތަރު ރަށެއްގައި ހޭލުންތެރި ކުރުމުގެ ޚާއްސަ ޕްރޮގްރާމެއް މިދިޔަ ޖޫން މަހުގެ 29 އިން ފެށިގެން ޖުލައި 03 ގެ ނިޔަލަށް ހިންގައިފިއެވެ. މި ޕްރޮގްރާމްގެ މައިގަނޑު މަޤްސަދަކީ ފެނުމުގެ ނުކުޅެދުންތެރިކަން ހުންނަ ކުދިންނަށް ޚިދުމަތް ދިނުމުގައި ރައްޔިތުންނާއި އިދާރާތަކުން ސަމާލުކަން ދޭންވީ ކަންކަމާ ބެހޭގޮތުން ހޭލުންތެރިކަން އިތުރުކުރުމެވެ.

މި ދަތުރުގައި ޖަމްޢިއްޔާގެ ހިންގާ ކޮމިޓީގެ މެންބަރުންނާއި އާންމު މެންބަރުންގެ ތެރެއިން ޖުމްލަ 8 ފަރާތަކުން ބައިވެރިވެފައިވެއެވެ. ޕްރޮގްރާމް ކުރިއަށް ގެންގޮސްފައިވަނީ ށ. ކޮމަންޑޫ، ށ. ކަނޑިތީމް، ށ. މިލަންދޫ އަދި ށ. ފުނަދޫގައެވެ.

ކޮންމެ ރަށެއްގައި ވެސް ދެ ސެޝަން ކުރިއަށް ގެންދެވުނެވެ. އެއީ ރައްޔިތުންނަށް ޚާއްސަކޮށްގެން ބޭއްވުނު ސެޝަނަކާއި، އިދާރާތަކުގައި މަސައްކަތްކުރާ މުވައްޒަފުންނަށް ޚާއްސަކޮށްގެން ބޭއްވުނު ސެޝަނެކެވެ. މި ޕްރޮގްރާމްތަކުގައި، ފެނުމުގެ ނުކުޅެދުންތެރިކަން ހުންނަ ކުދިންނަށް ޚިދުމަތް ދިނުމުގައި ސަމާލުކަން ދޭންޖެހޭ ކަންކަމާއި، އޮފީސްތަކުގެ އިންތިޒާމްތައް އެފަދަ ކުދިންނަށް ފަސޭހަވާނެ ގޮތަކަށް ހަމަޖެހިފައި ހުންނަންޖެހޭ ގޮތްގޮތާ ބެހޭގޮތުން މުހިއްމު މަޢުލޫމާތުތައް ދެވިފައިވެއެވެ.

މި ހޭލުންތެރި ކުރުމުގެ ޕްރޮގްރާމް އަތޮޅުގައި ކުރިއަށް ގެންދިއުމުގައި ސެޝަން ކުރިއަށް ގެންދިޔަ ރަށްރަށުގެ ކައުންސިލުތަކުން ވަރަށް ބޮޑު އެހީތެރިކަމެއް ފޯރުކޮށްދެއްވާފައިވާކަން ޖަމްޢިއްޔާއިން ވަނީ ފާހަގަކޮށްފައެވެ.

ށ. އަތޮޅުގައި ފެނުމުގަ ނުކުޅަދުންތެރިކަން ހުންނަ ކުދިންގެ ޖަމްޢިއްޔާއިން ހޭލުންތެރި ކުރުމުގެ ޕްރޮގްރާމެއް ހިންގައިފި

ށ.އަތޮޅުކައުންސިލުގެ މިއަހަރުގެ މަސައްކަތު ތާވަލުގައި ހިމެނިގެން ކުރިޔަށްގެންދެވުނު ދީނީ ދަރުސް މުބާރާތް ކާމިޔާބު ކަމާއެކު ނިންމާލައިފިއެވެ.

މި ޖޫން މަހުގެ 24 އިން 29 އަށް މުޅިއަތޮޅަށް އަމާޒުކޮށްގެން ކުރިޔަށްގެންދެވުނު މި ޕްރޮގްރާމުގައި ދީނީ ދަރުސް ދެއްވީ ބ.ހިތާދޫ ވާދީ އައްޝައިޚް ޢާޒިމް ޚާލިދެވެ.

ށ.އަތޮޅު ރަށްރަށުގެ ރައްޔިތުންގެ ދީނީ ހޭލުންތެރިކަން އިތުރުކުރުމުގެ މަޤްޞަދުގައި ކުރިޔަށްގެންދެވުނު މި ޕްރޮގްރާމުގައި މައިގަނޑު ގޮތެއްގައި ދަރުސް ބިނާކުރައްވާފައިވަނީ ނަމާދުގެ މުހިންމުކަމާއި ނަމާދަށް ރައްކާތެރިވުމުގެ މުހިންމު ކަމާގުޅޭގޮތުންނެވެ.

މި ޕްރޮގްރާމު ނިންމުމުގެ ގޮތުން މި އަދު ބޭއްވުނު ބައްދަލުވުމުގައި އަތޮޅުކައުންސިލުގެ ފަރާތުން ހަނދާނީ ފިލައެއް ޢާޒިމް ޚާލިދުއަށް ވަނީ ޙަވާލުކުރައްވާފައެވެ. މި ފިލާ ޙަވާލުކޮށްދެއްވީ ށ.އަތޮޅުކައުންސިލުގެ ރައީސް މުޙައްމަދު ޝިޔާމެވެ.

ށ.އަތޮޅުކައުންސިލާއި، މިނިސްޓްރީ އޮފް އިސްލާމިކް އެފެއާޒާއި، ށ.އަތޮޅުގެ ރަށުކައުންސިލްތަކުގެ ފުރިހަމަ އެއްބާރުލުމާއެކު ކުރިޔަށްގެންދެވުނު މި ދަރުސް ޕްރޮގްރާމަށް ރަށްރަށުން ވަރަށްބޮޑަށް މަރުޙަބާކިޔާފައިވާ ކަމަށާއި، މި ދަރުސްތައް އަޑު އެހުމަށް ޢާއްމުންގެ ބޮޑު ތަރުޙީބެއް ލިބިފައިވާ ކަމަށް ށ.އަތޮޅު ކައުންސިލުން މަޢުލޫމާތުދެއްވައެވެ. މި ޕްރޮގްރާމަކީ ކޮންމެ އަހަރަކު ވެސް އަތޮޅުކައުންސިލުން ކުރިޔަށްގެންދާ ޕްރޮގްރާމެއް ކަމަށް އެ ކައުންސިލުން ހާމަކުރައްވައެވެ.  

ށ.އަތޮޅު ދަރުސް ޕްރޮގްރާމު ކާމިޔާބު ކަމާއެކު ނިންމާލައިފި

ށ. ބިލެތްފައްސަކީ ޤުދުރަތީގޮތުންރީތި ބޮޑުފަޅަކާއި، ހިތްގައިމު ދޮންވެލި ތުނޑިއަކާ، މަލަފެހި ސާފު ރީތި ރަށެކެވެ. ރަށުގެ އާބާދީގައި

763 މީހުން ދިރިއުޅ ޭމިރަށަކ ީބޮޑުމިނުގައި 62.99 ހެކްޓަރ ހިމެނޭ ރަށެކެވެ. މިރަށުގައި ގްރޭޑ ް10ގެ ފެންވަރަށް ދެދަންފަޅިއަށް ކިޔަވައިދޭ ސްކޫލެއް ހުރެއެވެ. މިރަށުގެ ޞިއްޙީ މަރުކަޒުން 8 ގަޑިއިރު ޚިދުމަތް ދެމުން ދާއިރު ލެބޯޓްރީގެ ޚިދުމަތާއި، އަދި ޢާއްމުބަލިތަކާ ގުޅޭ ޓެސްތައް ހެދި ޑޮކްޓަރގެ ޚިދުމަތް ލިބެމުން ދެއެވެ. މިރަށުގެ ރައްޔިތުންނަށް ދަތުރުފަތުރުކުރުމަށް އާރ ޓީއެލް، ފެރީގެ ޚިދުމަތް ލިބެމުންދެއެވެ. ފެނަކަ ކޯޕަރޭޝަނުން ރަށުގެ ރައްޔިތުންނަށް 24ގަޑިއިރު ކަރަންޓްގެ ޚިދުމަތް ދެއްވަމުން ގެންދަވައެވެ. މިދެންނެވި ޚިދުމަތްތައް ރައްޔިތުންނަށް ފޯރުކޮށްދެއްވުމަށް ސިވިލްސަރވިސް މުވައްޒަފުންނާ ކޮންޓްރެކްޓް، ކުންފުނިތަކުގެ މުވައްޒަފުންނާއެކު ގާތްގަނޑަކަށް 115 މުވައްޒަފުން މަސައްކަތް ކުރައްވައެވެ.މިރަށަކީ އިޖްތިމާއީ ގޮތުންނާއި ރަށުގެ ތަރައްޤީއަށް ކުރެވޭ އެކި ކަންކަމުގައި ރަށުގެ ކައުންސިލާ ގުޅިގެން މަސައްކަތްކުރާ ގާނޫނާއި، ޤަވާއިދުތަކަށް ޙުރުމަތްތެރިކޮން ހިތާ އެއްބައިވަންތަ ރައްޔިތުން ދިރިއުޅޭ ރަށެކެވެ. 

ލާމަރުކަޒީ ޤާނޫނުގެ ދަށުން އުފެދިފާވާ ބިލެތްފަހީ ކައުންސިލްގައި 05 މެންބަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމެޓީގައި 5 މެންބަރުން ތިއްބަވައެވެ. އަދ ިސިވިލްސަރވިސް މުވައްޒަފުންނާއި، ކޮންޓެކްޓް މުވައްޒަފުން ހިމެނޭގޮތުން މިކައުންސިލްގައި 42 މުވައްޒަފުން މަސައްކަތް ކުރައްވައެވެ. މިރަށުގެ ރަށްވެހި އަދި ޘަޤާފީ މަސައްކަތެއްގެ ގޮތުގައި މަޝްހޫރުވެފާވަނީ ރުކުފަތި ވިޔުމުގެ މަސައްކަތެވެ. މިރަށުގެ ރައްޔިތުން އާމްދަނީ ހޯދުމަށް ކުރާ މައިގަނޑު މަސައްކަތަކީ ކިއްސަރުވަޑާންކުރުމުމެވެ. އަންހެނުން ކުރާ މައިގަނޑު މަސައްކަތަކީ ފަންގިވިނުމުގެ މަސައްކަތެވެ.

ށ.ބިލެތްފަހި (C6)

ރަށުގެ އިޤްތިޞާދު ބިނާވެފައިވަނީ، ކިއްސަރުވަޑާމުގެ މަސައްކަތުގެ މައްޗަށެވެ. މިރަށަކީ މުޅި އަތޮޅުން ކިއްސަރު ވަޑާމަށް އެންމެ މަޝްހޫރު ރަށެވެ. އަދި މުޅި އަތޮޅުގައިވެސް ރުކުފަތީގެ މަސައްކަތް ކުރާ ހަމައެކަނި ރަށަކީ މިރަށްކަން ފާހަގަކޮށްލެވެއެވެ. ރުކުފަތިން ހަދާ ތަކެތީގެ ތެރޭގައި ހަލަންޏާއި ބަތްޕޮޅި ހިމެނެއެވެ.

މިރަށަކީ ބިމުގެގޮތުން ބޮޑު، ރަށުގެ މަލަމަތި އުސް ރަށެކެވެ. މިރަށް މަޝްހޫރުވެފައިވަނީ، ދަނޑުވެރި ރަށެއްގެ ގޮތުގައެވެ. މިރަށުގައި، ރޭވުންތެރިކަމާއެކު ދަނޑުބިން ދޫކުރުމާއި، ބެލެހެއްޓޭނެ އިންތިޒާމުތަކެއް ރޭވިފައިވެއެވެ. މީގެ އިތުރުން، ކަނޑޫފާ ނުވަތަ ގޮއި، މިރަށުގެ އެއްކޮޅުގައި ބޮޑު ސަރަޙައްދެއްގައި އޮންނަކަން ފާހަގަކުރެވެއެވެ. ރަށުގެ ވަށައިގެން ހިނގޭނެގޮތަށް "ބީޗް ރޯޑް" ކިޔާ ބޮޑު މަގެއް މިރަށުގައި އޮވެއެވެ.

ށ. ގޮއިދޫ (C3)

ށ.ފޭދޫއަކީ ށ.އަތޮޅުގައި މޯހުން ދިރިއުޅޭ ރަށްތަކުގެތެރެއިން ރަށެކެވެ. ދިވެހިރާއްޖޭގެ އެހެން ރަށްރަށެކޭ އެއްފަދައިން މި ރަށަކީ ވެސް މުރަކައިގެ ދޮންވެލިން އުފެދިފައިވާ ޖަޒީރާ ރަށެކެވެ. މިރަށު މީހުން ދިރިއުޅުމަށްޓަކައި މައިގަނޑުގޮތެއްގައި ކުރާ މަސައްކަތަކީ މަސްވެރިކަމާއި، އިމާރާތްކުރުމުގެ މަސައްކަތާއި، ފަތުރުވެރިކަމުގެދާއިރާގެ މަސައްކަތެވެ. އަދި މީގެ އިތުރުން ކޮންމެވެސް ވަރަކަށް ދަނޑުވެރިކަންކޮށް އުޅެއެވެ. މިރަށުގައި ވިޔަފާރިކުރާ 13 ތަނާއި، 2 ސައިހޮޓަލާއި، 1 ފާމަސީ ހުރެއެވެ. މިރަށާއި ރާއްޖޭގެ ވެރިކަންކުރާ ރަށް މާލެއާއި ދެމެދު ހުންނަނީ 245.90 ކިލޯމީޓަރެވެ.

ފޭދޫ ކައުންސިލްގެ އިދާރާ

ފޭދޫ މެޖިސްޓްރޭޓް ކޯޓް

ފޭދޫ ފެނަކަ ބްރާންޗް

ފޭދޫ ސިއްޙީ މަރުކަޒު

ފޭދޫ ސްކޫލް

ށ. ފޭދޫ (C4)

މިރަށުގެ މީހުން ދިރިއުޅުމަށްޓަކައި ކޮށްއުޅޭ މަސައްކަތްތަކުގެ ތެރޭގައި، ފަތުރުވެރިކަމުގެ ދާއިރާގެ މަސައްކަތްތަކާއި މަސްވެރިކަމާއި ފަންގިވިނުމާއި އިމާރާތްކުރުމާއި ކިއްސަރުވަޑާމުގެ މަސައްކަތްތައް ހިމެނެއެވެ.

މިރަށަކީ ރާއްޖޭގެ އެހެން ރަށްތަކާ ޚިލާފަށް ތަފާތު ވައްތަރުގެ ދަނޑިޖެހުމުގެ އެކި ކުޅިވަރުތައް ކުޅޭ ރަށެކެވެ. 1990ވަނަ އަހަރާއި 2004 ވަނަ އަހަރު، ދަނޑުވެރިކަމުން ރާއްޖެއިން 1 ވަނަ ހޯދާފައިވެއެވެ. މިރަށުގައި 100 އަހަރަށްވުރެ ގިނަދުވަސްވެފައިވާ ނިކަ ގަހެއް ހުރެއެވެ.

ށ. ފީވައް (C5)

މިރަށަކީ ޞިއްޙީ މަރުކަޒެއް ޤާއިމުކުރެވި، ޑަކްޓަރަކާއި ނަރުހުންގެ ޚިދުމަތް 16 ގަޑިއިރަށް ލިބެމުންދާ ރަށެކެވެ. އަދި، 2015 ވަނަ އަހަރު އެންމެ ރަނގަޅު ކައުންސިލްގެ އެވޯޑުވެސް ހޯދާފައިވާރަށެވެ. މީގެއިތުރުން، މުޅި ރާއްޖެއަށް ހުޅުވާލައިގެން ބޭއްވި ޒޯން ޗެމްޕިއަންސް ލީގު ދެފަހަރު ކާމިޔާބުކޮށްފައިވާ، ފުޓްބޯޅައިގައި ފާހަގަކޮށްލެވޭ ރަށެކެވެ.

ށ. ފޯކައިދޫ (C7)

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ.

އެންމެ ފުރަތަމަ މިރަށަށް ހިޖްރަކުރީ 03 މާރޗް 1970 ގައި ނ. ބޮމަސްދޫގެ ރައްޔިތުންގެ ތެރެއިން ބައެކެވެ. އޭގެ ފަހުން ސަރުކާރުން ހިންގެވި އާބާދީއާއި  ތަރައްޤީއެއްފަސްކުރުމުގެ މަޝްރޫޢުގެ ދަށުން 2004 ވަނަ އަހަރު އޮގަސްޓްމަހުގެ ނިޔަލަށް ށ.ފިރުނބައިދޫގެ ހުރިހާ ރައްޔިތުން މިރަށަށް ބަދަލުކުރައްވާ މިރަށުގައި އާބާދުކުރެއްވިއެވެ. އަދި ށ މާކަނޑޫދޫ، ށ ނޫމަރާ، ށ. ކޮމަންޑޫ، ށ ޅައިމަގު އަދި ށ މާއުނގޫދޫ ރައްޔިތުންގެ ތެރެއިން މިރަށަށް ބަދަލުވާން އެދުނު ހުރިހާ ރައްޔިތުން 2009 ވަނަ އަހަރުގެ ނިޔަލަށް މިރަށަށް ބަދަލުކުރައްވާ މިރަށުގައި އާބާދުކުރައްވާފައިވެއެވެ.

މިރަށަށް ކުރިން ކިޔަމުން އައީ "ފަރުކޮޅު ފުނަދޫ" އެވެ. އެއީ މިރަށާއިއެއްފަޅެއްގެތެރޭގައި އެއްފަރަކުން ގުޅިފައިއޮންނަ ޤުދުރަތީ ގޮތުން މިރަށާއި އެއް ސިފަތަކެއް ލިބިފައިވާ ފަޅުރަށެއްކަމުގައިވާ "ށ.ފަރޮކޮޅާއި" ގުޅުވާފައެވެ. އެހެންނަމަވެސް އޭރު ކިޔެމުންއައި ނަން ''ފަރުކޮޅުފުނަދޫ'' މިނަމުން "ފުނަދޫ " މިނަމަށް ސަރުކާރުން ބަދަލުކުރައްވާފައިވަނީ 12 މާރޗް 1995ގައެވެ.

މީހުން ދިރިއުޅުމަށްޓަކައި މިރަށުން 610ގޯތި ދޫކުރެވިފައިވާއިރު އޭގެތެރެއިން މީހުން ދިރިއުޅެނީ 484 ގޯތީގައެވެ. މީހުން ދިރިއުޅުމަށް އެންމެފަހުން މިރަށުން ގޯތި ދޫކުރެވިފައިވަނީ 2013 ވަނަ އަހަރުއެވެ. 2023 ވަނަ އަހަރުގެ ޖުލައިމަހުގެ ނިޔަލަށް މިރަށުގެ އާބާދީއަކީ 1406 އަންހެނުންނާއި 1356 ފިރިހެނުނުންނާއިއެކު ޖުމްލަ 2762 މީހުންނެވެ.

ފުނަދޫގެ މީހުން ދިރިއުޅުމަށްކުރާ މައިގަޑު މަސައްކަތަކީ މަސްވެރިކަމެވެ. ފަރުމަހުގެ މަސްވެރިކަމަށް، ޚާއްސަކޮށް ހިބަރުގެ މަސްވެރިކަމަށް މިރަށަކީ މިސަރަޙައްދުން ފާހަގަ ކޮށްލެވޭ ރަށެކެވެ. އަދި މިރަށަކީ ސަރުކާރުގެ ގިނަ އޮފީސްތަކެއް ޤާއިމްކުރެވިފައިވާ ރަށަކަށްވާތީ ސަރުކާރުގެ ވަޒީފާގައި ގިނައަދަދެއްގެ މީހުންހަރަކާތްތެރިވެއެވެ. ބިމުގެ ދަތިކަން ކުރިމަތިވެފައިވީނަމަވެސް ދަނޑުވެރިކަން ކުރުމަށް ޝައުޤުވެރިވާ ފަރާތްތަކަށް އެމަސައްކަތްކުރުމަށްޓަކައި 36 ބިމެއް ރަށުން ދޫކުރެވިފައިވެއެވެ.

ފުނަދޫ ކައުންސިލްގެ އިދާރާ

ބޭންކު އޮފް މޯލްޑިވްސް ފުނަދޫ ބުރާންޗު

ށ.ފުނަދޫ އަތޮޅު ހޮސްޕިޓަލް

ފުނަދޫ ޕޮލިސް ސްޓޭޝަން

ފުނަދޫ ސްކޫލް

ފުނަދޫ އެއަރ ޕޯޓް

ށ.ފުނަދޫ މެޖިސްޓްރޭޓް ކޯޓް

ފުނަދޫ މީރާ ކަލެކްޝަން ސެންޓަރ

ލޭބަރ ރިލޭޝަަންސް އޮތޯރިޓީ

ފުނަދޫ ފެނަކަ ބްރާންޗް

  ފުނަދޫ ބްރާންޗް ޖެންޑާ އެންޑް ފެމިލީ ،ސޯޝަލް ސާރވިސެސް

ށ. ފުނަދޫ (C15)

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ. 

މިރަށު މީހުން އާމްދަނީ ހޯދުމަށް ކުރާ މައިގަނޑު މަސައްކަތަކީ މަސްވެރިކަމެވެ. މަސްވެރިކަމުން އާމްދަނީ ހޯދުމަށް ކުރާ މަސައްކަތްތަކުގައި ރަށުގެ އަންހެނުންގެ ޙިއްސާވެސް ބޮޑުކަން ފާހަގަކޮށްލެވެއެވެ. މީގެއިތުރުން ރޯނުވެށުމާއި، ފަންގިވިނުމުގެ މަސައްކަތް ކޮށްގެން ވެސް އަންހެނުން އާމްދަނީ ހޯދައެވެ. މިހާރު ރަށުގެ ޒުވާނުން އާމްދަނީ ހޯދުމަށް ފަތުރުވެރިކަމުގެ ދާއިރާގައި ވަޒީފާ އަދާކުރެއެވެ. މިރަށުގައި 500 ވަރަކަށް އަހަރުވެފައިވާ ކަމަށްބެލެވޭ ޙިމާޔަތްކޮށްފައިވާ އާދަޔާ ޚިލާފު ބޮޑު 9 ނިކަގަސް ހުރެއެވެ.

ށ. މާއުނގޫދޫ (C14)

މާއުނގޫދޫ އަކީ މިލަދުންމަޑުލު އުތުރުބުރީގެ އެންމެ ދެކުނުން އޮންނަ މީހުން ދިރިއުޅޭ ރަށެވެ. ރަށުގެ ރައްޔިތުން ދިރިއުޅުމަށް ކޮށްއުޅޭ މައިގަނޑު މަސައްކަތަކީ ރިސޯޓްތަކުގައި ވަޒީފާ އަދާކުރުމާއި މަސްވެރިކަން ކުރުމެވެ. ބިމުގެ ތަނަވަސްކަން ކުޑަނަމަވެސް ދަނޑުބިން ދޫކޮށްގެންނާއި، ގޯތިތެރޭ ދަނޑުވެރިކަން ކޮއްގެން ރަނގަޅު އާމްދަނީއެއް ރަށަށް ލިބެއެވެ. އަންހެންވެރިން ކޮށްއުޅޭ މަސައްކަތްތަކުގެ ތެރޭގައި ރޯނުވެށުމާއި ފަންގެވިނުން ފާހަގަކޮށްލެވެއެވެ. މި ރަށަކީ ގުދުރަތީ ފަޅެއް އެއްވެސް ފަރާތަކުން ނެތް ގާމަތީ ރަށެކެވެ.

މިރަށަކީ ރަށުގައި އުފައްދާ ކަރުހަކުރާއި، ރަށުގައި ހުރި ބޮޑު ކާނިގަހުގެ ސަބަބުން، ރާއްޖޭގެ ތާރީޚުން ޖާގަ ހޯދާފައިވާ ރަށެކެވެ. މިކާނިގަހަކީ ކަޅުއޮށްފުންމީގެ ރިޔާ ބޭއްވުމަށް ބޮޑުތަކުރުފާނު ޖެއްސެވި ތިން ކަޑައިގެ ތެރެއިން އެއް ކަޑައެވެ. މިގަހަކީ 450 އަހަރަށް ވުރެން ގިނަދުވަސްވެފައިވާ ތާރީޚީ ގަހެކެވެ. މިރަށު ކުޅިއަކީ، ބޮޑުތަކުރުފާނުގެ ޖިހާދުގެ ދަތުރުގައި ދުޝްމަނުންނަށް ފިލުމަށް ކަޅުއޮށްފުންމި ވަދެނުކުމެ އުޅުނު މަޝްހޫރު ނެރެވެ.

ށ. މަރޮށި (C10)

މިރަށު މީހުންގެ މައިގަނޑު މަސައްކަތަކީ މަސްވެރިކަމެވެ. މިރަށުގައި "ކޮމަންޑޫ ކިލާވަޅު" ކިޔާ ވަރަށް ޒަމާންވީ ވަޅެއް ހުރެއެވެ. މަޝްހޫރު ބޮޑުތަކުރުފާނު، ކަޅުއޮށްފުންމީގައި ދަތުރު ކުރެއްވިއިރު ދެކޮމަންޑޫ ދޭތެރެއިން ދަތުރު ކުރެއްވި ރޮނގު މިހާރުވެސް ދެކޮމަންޑޫ ދޭތެރޭގައި ފާހަގަވާ ގޮތަށް އެބައޮތެވެ.

ށ. ކޮމަންޑޫ (C13)

ތާނަ އަކުރު އެންމެ ފުރަތަމަ ފެށިފައިވަނީ ކަނޑިތީމު މިސްކިތުގެ ބެރިއަކުންނެވެ. މިރަށުގައި ހިމާޔަތްކުރެވިފައިވާ ގިނަދުވަސްވީ ދިއްގާ ގަހެއް ހުރެއެވެ. މިރަށުގައި "މެދުޒިޔާރަތް" ކިޔާ ޒިޔާރަތެއް ހުރެއެވެ. މިޒިޔާރަތަކީ، ކުރީ ޒަމާނުގައި ބަލި ކުދިން އެތަނަށް ގެންދިއުމުން ބަލި ފަސޭހަވާ ތަނެއްގެ ގޮތުގައި ބެލެމުން އައިސްފައިވާ ތަނެކެވެ. މިރަށުގެ ފަޅުތެރޭގައި އޮންނަ "ކުޑަދޫ" ކިޔާ ފަޅުރަށުގައި "ފީބޯ" ކިޔާ ވަޅުގަނޑެއް އޮވެއެވެ. މި ވަޅުގަނޑަކީ އަނދިރިއަނދިރިން ނިދަން ބޭނުންކުރި ތަނެކެވެ.

ށ. ކަނޑިތީމު (C1)

ޅައިމަގަކީ މިލަދުންމަޑުލު އުތުރުބުރީގެ އިރުދެކުނުން އަތޮޅުގެ އެތެރެވަރީގައި ފުނަދޫގެ ހުނޅަގުން ގާތްގަޑަކަށް 3 މޭލު ހުނޅަގުގައި އޮންނަ ރަށެކެވެ. މިއީ މިލަދުންމަޑުލުކިޔާ ޤުދުރަތީ އަތޮޅުގެ ރަށެކެވެ. ސިޔާސީގޮތުން ށ. އަތޮޅުގެ ރަށެކެވެ. މިރަށާއި މާލެއާއި ދެމެދުގެ ދުރުމިނަކީ ގާތްގަޑަކަށް 130 މޭލުއެވެ. ރަށުގެ ނަންބަރަކީ 280 އެވެ. މިރަށަކީ މެދުފަންތީގެ ރަށަކަށްވާއިރު ރަށުގެ ފަސްގަނޑުގައި ހިސާބަކަށް އަކިރި ހުރެއެވެ. ގިނައިން އޮންނަނީ ވެއްޔެއެވެ. ރަށްވަށައިގެންވެސް ރަށުގެ ދެކުނު ކޮޅުގައިނޫނީ ރީތި ދޮންވެލިގަނޑު އޮންނަ ރަށެކެވެ. މިރަށުގައި މިހާރުވަނީ 2006 ވަނައަހަރު 175×350 ފޫޓުގެ ފަޅެއް ސަރުކާރުން ހައްދަވާދެއްވާފައެވެ. މާލެދަތުރުކުރާ 1 ބޯޓާ، މަސްވެރިކަންކުރާ 1 މަސްދޯންޏާ، 9 ވަދުދޯންޏާ، ކައިރި ރަށްރަށަށް ދަތުރުކުރުމަށްޓަކާ 4 ސްޕީޑްލޯންޗާއި 6 ޑިންގީ އޮންނަ ރަށެކެވެ. މިރަށާ އެންމެކައިރީގައި މީހުންއުޅޭ ރަށަކަށްއޮތީ މިއަތޮޅުގައި ވެރިކަންކުރާރަށް ފުނަދޫއެވެ. މިރަށާ ފުނަދޫއާ ދޭތެރޭހުރީ ގާތްގަޑަކަށް 3 މޭލުއެވެ. މިރަށުގެ ދިގުމިނަކީ ގާތްގަޑަކަށް 2840 ފޫޓެވެ. ފުޅާމިނަކީ 2245 ފޫޓެއެވެ. މީޓަރުންނަމަ ދިގުމިނަކީ 850 މީޓަރެވެ. ފުޅާމިނަކީ 603 މީޓަރއެވެ. ހެކްޓަރއަކީ 43.54 ހެކްޓަރއެވެ. 2023 ވަނަ އަހަރުގެ ޑިސެމްބަރގެ ނިޔަލަށް ރަށުގެ އާބާދީއަކީ 437 ފިރިހެނުންނާއި 409 އަންހެނުންނެވެ. ރަށުގައި ކިޔަވައިދޭ ސްކޫލެއް ހުރެއެވެ. ސްކޫލްގައި ގްރޭޑް 10 ށް ކިޔަވައިދެއެވެ. ކުދިންނަށް ކިޔަވައިދިނުމަށްޓަކާ 22 ދިވެހި މުދައްރިސުންނާ 06 ބޭރުގެ މުދައްރިސުން ތިބެއެވެ. މީގެއިތުރުން ޕްރިންސިޕަލަކާއި 12 އޮފީސް ސްޓާފުން ސްކޫލްގައި ތިބެއެވެ. މީގެއިތުރުން މެޖިސްޓްރޭޓް ކޯޓާއި ޞިއްޙީމަރުކަޒަކާއި އިންޖީނުގެއަކާއި ދެމިސްކިތާއި އޭޖެންސީ ޕޯސްޓްއޮފީހަކާއި ވިޔަފާރިކުރާ 5 ފިހާރައާއި 2 ހޮޓާ މިރަށުގައި ހުރެއެވެ. ދިރިއުޅުމަށްޓަކާ މީހުންކުރާ މައިގަނޑު މަސައްކަތަކީ ރިސޯޓްތަކުގައި ވަޒީފާ އަދާކުރުމާއި މަސްވެރިކަންކުރުމާއި ގޯތިތެރޭގައި ދަނޑުވެރިކަންކުރުމާއި ފަންގިވިނުމެވެ. މިރަށުގެ މީހުން ޢާންމުކޮށް ބޯންބޭނުންކުރަނީ ވާރޭފެނާއި މިނެރަލް ވޯޓަރއެވެ. މިރަށަކީ 24 ގަޑިއިރު ކަރަންޓުގެ ޚިދުމަތް ލިބެމުންދާރަށެކެވެ. ކަރަންޓުގެ ޚިދުމަތް މިހާރު ފޯރުކޮށްދެމުން ގެންދަނީ ފެނަކަ ކޯޕަރޭޝަނުންނެވެ.މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިލަދުންމަޑުލުއުރުބުރީ ޅައިމަގު ކައުންސިލް އިދާރާ

ޅައިމަގު ސްކޫލް

މިލަދުންމަޑުލު އުތުރުބުރީ ޅައިމަގު މެޖިސްޓްރޭޓް ކޯޓް 

ށ.ޅައިމަގު ޞިއްޙީމަރުކަޒު 

ޅައިމަގު އެކުވެރިންގެ ރޫޙް

ށ. ޅައިމަގު (C11)

މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިރަށަކީ އަތޮޅު ފެންވަރުގައި ކިއްސަރު ވަޑާމަށް އެންމެ މަޝްހޫރު ރަށެވެ. ރާއްޖޭގެ އެކި ހިސާބުތަކުގައި މިހާރުވެސް މިރަށުގެ މާވަޑިން ބަނދެފައިވާ ގިނަ އޮޑިފަހަރު ހުރުމީ ރަށުގެ މާވަޑިންގެ ޤާބިލްކަން ދައްކުވައިދޭ އަދި ރަށަށް ލިބޭ ބޮޑު ފަޚުރެކެވެ. މިރަށުގައި ފަލަމަޑީގެ ބާވަތްތައް އިންދައިގެން ނުހެއްދިއަސް ފަލަމަޑީގެ ބާވަތްތައް ލިބެން ހުރެއެވެ. ނޫމަރާ ކަނޑަކީ، ވަރަށް ބިރުވެރި ކަނޑެއްގެ ގޮތުގައި ތާރީޚުގެ ފޮތްތަކުން އެނގެއެވެ. މިރަށުގެ ގޮނޑުދޮށުގައި ދެމޫސުމުގައި ދެކޮޅަށް ދުވާ ވެލިގަނޑެއް އޮވެއެވެ.

ށ. ނޫމަރާ (C2)

100 ސަތޭކަ އަހަރަށްވުރެ ގިނަދުވަސްވެފައިވާ، އާދަޔާޚިލާފު ގަހެއް މިރަށުގައި ޙިމާޔަތް ކުރެވިފައި ހުރެއެވެ. މިގަހުގައި އާދަޔާޚިލާފު ކަމެއް ފާހަގަކުރެވިފައިވެއެވެ. އެހެން ގަސްތަކާ ޚިލާފަށް މިގަހުގެ ގޮތްޕެއް ކަނޑާލުމުން، ހުދުކުލައިގެ ކިރު ނުވަތަ ދިޔައިގެ ބަދަލުގައި މިގަހުން އަންނަނީ ރަތްކުލައިގެ ލޭ، ފާޑުގެ އެއްޗެކެވެ. މިރަށު މީހުން އެގަހަށް ކިޔަނީ "ނަންނޭނގޭ ގަސް"، މިހެންނެވެ.

ށ. ނަރުދޫ (C8)

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. މިގޮތުން 1997 ވަނަ އަހަރު ރާއްޖޭގެ މިނިސްޓަރ އޮފް އެޓޯލްސް އަބްދުالله ހަމީދު ށ.މާކަނޑޫދޫގެ ރައްޔިތުން އެހެން ތަނަކަށް ބަދަލުކުރުމުގެ މަޝްރޫއެއް ފެއްޓެވިއެވެ. އަދި 2004 ވަނަ އަހަރު ސުނާމީކާރިސާގައި މާކަނޑޫދޫއަށް ބޮޑެތި ގެއްލުންތަކެއް ލިބުމާ އެކު، އާބާދުކުރުމުގެ މަސައްކަތް އަވަސްކުރި އެވެ. މިލަންދޫއަކީ މީހުން ދިރިއުޅޭ ރަށެއްގެ ގޮތުގައި ސަރުކާރުން ރަސްމީކޮށް އިޢުލާންކުރީ 20 މާޗް 2005 ގައެވެ. 2140 އަށް ވުރެ ގިނަ މީހުން ދިރިއުޅޭ މި ރަށަކީ މިހާރު ށަވިޔަނި އަތޮޅުގެ ދެވަނައަށް އެންމެ އާބާދީ ބޮޑު ރަށެވެ. މިލަންދޫ އޮންނަނީ މާކަނޑޫދޫ އާއި ނަލަންދޫއާ ދެމެދު ށަވިޔަނި އަތޮޅުގެ އިރުދެކުނުން 06°17′05"N 73°14′36"E ގައެވެ. 126 ހެކްޓަރުހިމެނޭ މިލަންދޫއަކީ އެ އަތޮޅުގެ އެންމެ ބޮޑު ރަށެވެ.

ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

ށ. މިލަންދޫ (C16)

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

ސަރުކާރުގެ ފަރާތުން ހުށައަޅާ ކަންކަން

ލޯކަލްގަވަރުމަންޓް އޮތޯރިޓީގެ ފަރާތުން ހުށައަޅާ ކަންކަން

ކައުންސިލްގެ އިދާރާއިން ހުށައަޅާ ކަންކަން

   3.1 މިލަދުންމަޑުލު އުތުރުބުރީ އަތޮޅުކައުންސިލުން 2025 ވަނަ އަހަރުގެ ފުރަތަމަ 6 މަހު ހިންގި ޙަރަކާތްތަކުގެ ތަފްޞީލު ރިޕޯޓް ކައުންސިލާ ހިއްސާކުރުން.

4.ކައުންސިލަރުން ހުށައަޅުއްވާ ކަންކަން:

   5.1 މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 126ވަނަ ޢާއްމު ޖަލްސާގެ ޔައުމިއްޔާ ފާސްކުރުން. 

6.ވޯޓަށް އަހާ ކަންކަމަށް ވޯޓަށް އެހުން

ވޯޓަށް އަހަންޖެހޭ ހިސާބަށް ގެންދެވޭ މައްސަލަތަކަށް ވޯޓަށް އެހުން ކުރިޔަށްގެންދާނީއެވެ.

އަޙްމަދު އަޙްސަން

އަޙްމަދު ރައިޝަމް

އިބްރާހީމް ޝާހިދު

ޢަބްދުﷲ ޒިޔާދު

އަޙްމަދު ޢާޞިފް

މުޙައްމަދު މުސްތަރުސިދު

ޢަލީ މުޙައްމަދު

އާދަމް އަޒްމީރު

މުޙައްމަދު ސިނާން

އާދަމް ސަލީމް

އަޙްމަދު އިބްރާހީމް ފުޅު

ޢަބްދުﷲ ޢާޠިފް

-މިލަދުންމަޑުލު އުތުރުބުރީ އަތޮޅުކައުންސިލުގެ 2025ވަނަ އަހަރުގެ ފުރަތަމަ 6 މަހު ހިންގުނު ޙަރަކާތްތަކުގެ ރިޕޯޓް މެންބަރުންނަށް ހިއްސާކުރެވުނެވެ. 

ށ.އަތޮޅުކައުންސިލުގެ 4ވަނަ ދައުރުގެ 130ވަނަ ޢާއްމު ޖަލްސާ

1.      ސަރުކާރުގެ ފަރާތުން ހުށައަޅާ ކަންކަން

2.      ލޯކަލްގަވަރުމަންޓް އޮތޯރިޓީގެ ފަރާތުން ހުށައަޅާ ކަންކަން

3.      ކައުންސިލްގެ އިދާރާއިން ހުށައަޅާ ކަންކަން

މި ޖުލައި މަހުގެ 5 އިން – 28 އަށް ޗައިނާގައި ބޭއްވޭ "ސެމިނަރ އޮފް ލޯކަލް ކައުންސިލް މެންބަރސް އޮފް މޯލްޑިވްސް" ގައި ށ.އަތޮޅުކައުންސިލުގެ ރައީސް މުޙައްމަދު ޝިޔާމް ބައިވެރިވުމާ ގުޅޭގޮތުން މަޝްވަރާކޮށް ގޮތެއް ނިންމުން.

4.       ކައުންސިލަރުން ހުށައަޅުއްވާ ކަންކަން

5.       އިދާރީ މައްސަލަތައް

6.       ވޯޓަށް އަހާ ކަންކަމަށް ވޯޓަށް އެހުން

ވޯޓަށް އަހަންޖެހޭ ހިސާބަށް ގެންދެވޭ މައްސަލަތައް ވޯޓަށް އެހުން ކުރިޔަށްގެންދާނީއެވެ.

މުޙައްމަދު ޝިޔާމް 

ޢަލީ ރަޝީދު ޙަސަން

-2025 ޖުލައި މަހުގެ 5 އިން 28 އަށް ޗައިނާގއި ބޭއްވޭ "ސެމިނަރ އޮފް ލޯކަލް މެންބަރސް އޮފް މޯލްޑިވްސް" ސެމިނަރގައި ށ.އަތޮޅުކައުންސިލުގެ ރައީސް މުޙައްމަދު ޝިޔާމް ބައިވެރިވެވަޑައިގަތުމުގެ ހުއްދަދިނުމަށް ފެނެއެވެ.

ށ.އަތޮޅުކައުންސިލުގެ 4ވަނަ ދައުރުގެ 5ވަނަ ކުއްލި ޖަލްސާ

   3.1 ށ.އަތޮޅު ޤުރުއާން މުބާރާތުގެ ޤަވާޢިދު 2025 ގެ ޑްރާފްޓާ ގުޅޭގޮތުން މަޝްވަރާކޮށް ފާސްކުރުން.

4. ކައުންސިލަރުން ހުށައަޅުއްވާ ކަންކަން:

އަޙްމަދު އަޚްސަން ށ.ކަނޑިތީމު ކައުންސިލުގެ ރައީސް

-   މިލައުތުރު ފުޓްސަލް މުބާރާތް ހޯސްޓްކުރުމަށް ހުޅުވާލުމާ ގުޅޭގޮތުން މަޝްވަރާކުރުން

5. އިދާރީ މައްސަލަތައް

5.1 މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 125ވަނަ ޢާއްމު ޖަލްސާގެ ޔައުމިއްޔާ ފާސްކުރުން. 

6.  ވޯޓަށް އަހާ ކަންކަމަށް ވޯޓަށް އެހުން

 -ށ.އަތޮޅު ޤުރުއާން މުބާރާތުގެ ޤަވާޢިދު މިދަންނަވާ މާއްދާތަށް ތިރީގައި އެވާ ގޮތަށް އިސްލާޙުކޮށް ފާސްކުރެވުނެވެ. 

    1. 17ވަނަ މާއްދާގެ (5)ވަނަ ނަންބަރު: މުޅި މުބާރާތުން 1،2،3 ވަނަ ސްކޫލު ކަނޑަޅުމުގައި ޢަމަލުކުރާނީ،  ޓީމުގައި ހިމެނޭ ހުރިހާ ދަރިވަރުންގެ ތެރެއިން އެންމެ ރަނގަޅު 8 ދަރިވަރުންގެ މާކްސް         8 އިން އެވްރެޖު ހެދުމުން އެންމެންމަތިން މާކްސް ލިބޭ ތަރުތީބަށް ބަލައިގެންނެވެ. އަދި ޓީމުގައި 8 ދަރިވަރުން ހަމަނުވި ނަމަވެސް ދަރިވަރުންގެ މާކްސްގެ އެވްރެޖް ބަލާނީ 8 އިން ގެއްލައިގެންނެވެ.

    2. 16ވަނަ މާއްދާގެ (4، 5، 6) ނަންބަރު: ކީސްޓޭޖް 3، 4، 5ގެ ބަލައިގެން ކިޔެވުމުގެ ގޮފިންނާއި، ހިތުން ކިޔެވުމުގެ ގޮފިން ކޮންމެ ގޮތްޕަކުން 2 ދަރިވަރުން ބައިވެރިވެ ކިޔަވާގޮތަށް  

    3. 9ވަނަ މާއްދާ (2)ވަނަ ނަންބަރު: މުބާރާތުގައި ބައިވެރިވުމަށް އެދި ހުށަހަޅާ ޓީމްލިސްޓުގައި މަދުވެގެން 6 ބައިވެރިން ހިމެނިފައިވުން، މި ބައިވެރިންގެ ތެރޭގައި ނުބަލައިކިޔެވުމުގެ ބައިން 1 

       ދަރިވަރަކު ހިމެނިފައިވުން

ށ.އަތޮޅުކައުންސިލުގެ 4ވަނަ ދައުރުގެ 129ވަނަ ޢާއްމު ޖަލްސާ

       3.1އަތޮޅުކައުންސިލް މެންބަރުންގެ ސްޓަޑީ ޓުއާގެ ބައެއް ޚަރަދުތައްކުރުމަށް އިތުރަށް ބޭނުންވާ ފައިސާ ހަމަޖެއްސުމަށް އިދާރީ ޔުނިޓުން ހުށަހަޅާފައިވާ ނަންބަރު (BCF)227-CA-BF/PRIV/2025/4 ބަޖެޓް ކޮންޓްރޯލާ ގުޅޭގޮތުން މަޝްވަރާކޮށް ގޮތެއް ނިންމުން.

      3.2 އަތޮޅުފެންވަރުގައި ޤައުމީ ދުވަސް ފާހަގަކުރުމަށް ހުށަހަޅާފައިވާ ޕްރޮޕޯސަލާ ގުޅޭގޮތުން މަޝްވަރާކޮށް ގޮތެއް ނިންމުން.

      3.3 ޙާޟިރީ އެލަވަންސް ހަމަޖައްސައިދިނުމަށް އެދި ށ.އަތޮޅުކައުންސިލް އިދާރާގެ މުވައްޒަފުން ސޮއިކޮށް ހުށަހަޅާފައިވާ ޕެޓިޝަނާ ގުޅޭގޮތުން މަޝްވަރާކޮށް ގޮތެއް ނިންމުން.

   5.1 މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 123ވަނަ ޢާއްމު ޖަލްސާގެ ޔައުމިއްޔާ ފާސްކުރުން. 

- ށ.އަތޮޅުކައުންސިލް މެންބަރުންގެ ސްޓަޑީ ޓުއާގެ ބައެއް ޚަރަދުތައްކުރުމަށް އިތުރަށް ބޭނުންވާ ފައިސާ ހަމަޖެއްސުމަށް ހުށަހަޅާފައިވާ ނަންބަރު (BCF)227-CA-BF/PRIV/2025/4 ބަޖެޓް ކޮންޓްރޯލް އިދާރީ ޔުނިޓުން ހުށަހަޅާފައިވާ ގޮތަށް ފާސްކުރުމަށް ނިންމުނެވެ.

-އަތޮޅުފެންވަރުގައި ޤައުމީ ދުވަސް ފާހަގަކުރުމަށް ފާހަގަކުރުމަށް ޕްރޮޕޯސަލް ހުށަހަޅުއްވާފައިވަނީ ހަމައެކަނި ބިލެތްފަހީ ކައުންސިލުން ކަމަށްވުމާއި، އަދި އެކައުންސިލުން ހުށަހަޅުއްވާފައިވަނީ ފުރިހަމަ ޕްރޮޕޯސަލަކަށްވާތީ އިތުރު އިވެލުއޭޝަނަކާ ނުލައި ބިލެތްފަހީ ކައުންސިލާ ގުޅިގެން އެ ޕްރޮގްރާމު ކުރިޔަށްގެންދިއުމަށް ނިންމުނެވެ. 

-މުވައްޒަފުންގެ ޙާޟިރީ އެލަވަންސް ދިނުމަށް ކޮމެޓީއަކުން ނުވަތަ އެސް.އެމް.ޓީ އިން ބަޖެޓް ދިރާސާކުރުމަށްފަހު ކައުންސިލުން ފާސްކުރެވޭ އުޞޫލެއްގެ ދަށުން އެލަވަންސް ދިނުމަށް ނިންމުނެވެ. 

-މިލަދުންމަޑުލު އުތުރުބުރީ އަތޮލުކައުންސިލުގެ 4ވަނަ ދައުރުގެ 123ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ. 

19,698

19,698

ށ.ބިލެތްފަހި (C6)

ށ. ގޮއިދޫ (C3)

ށ. ފޭދޫ (C4)

ށ. ފީވައް (C5)

ށ. ފޯކައިދޫ (C7)

ށ. ފުނަދޫ (C15)

ށ. މާއުނގޫދޫ (C14)

ށ. މަރޮށި (C10)

ށ. ކޮމަންޑޫ (C13)

ށ. ކަނޑިތީމު (C1)

ށ. ޅައިމަގު (C11)

ށ. ނޫމަރާ (C2)

ށ. ނަރުދޫ (C8)

ށ. މިލަންދޫ (C16)

ފަހުގެ ޚަބަރުތަށް

ކައުންސިލްގެ ޙިދުމަތްތަށް

ނަފާވެހި އެކޮމަޑޭޝަންގެ ޙިދުމަތް

ދުވެލި ސްޕީޑްބޯޓުގެ ޙިދުމަތް

ޙަރަކާތްތަކުގެ ޚުލާސާ

ޖުމްލަ

ރޭވިފައިވާ

ކުރިއައްދާ

ނިމިފައިވާ

ފަހުގެ ޖަލްސާތަށް

ށ.އަތޮޅުކައުންސިލުގެ 4ވަނަ ދައުރުގެ 130ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 5ވަނަ ކުއްލި ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 129ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 128ވަނަ ޢާއްމު ޖަލްސާ

ށ.އަތޮޅު ކައުންސިލް އިދާރާ

ށ.އަތޮޅު ކައުންސިލް އިދާރާ